Si të ushqejmë mendësi të zhvillimit tek fëmijët: një udhëzues i plotë
Nga: Ursula Cruz
A e keni ditur se mënyra si mendoni për inteligjencen mund të ndikojë në suksesin akademik të fëmijës tënd? Po, është e vërtetë! Mendësia e një fëmije luan një rol të rëndësishëm në arritjet akadamike të tij dhe kjo është arsyeja pse ju duhet të përpiqeni të ndërtoni një mendësi të zhvillimit për fëmijën.
Kështu, çka mund të bësh ti që t’ia ushqesh fëmijës një mendësi të zhvillimit? Lexoje udhëzuesin tonë të plotë…
Çka është një mendësi e zhvillimit te fëmijët?
Sipas Wikipedia, përkufizimi i mendësisë së zhvillimit te fëmijët është: “ata besojnë se gjithësecili mund të bëhet më i mençur në diç po punoi në të”. Me fjalë të tjera, një mendësi e zhvillimit është besimi se inteligjenca dhe aftësitë mund të zhvillohen me mund dhe praktikë. Fëmijët me mendësi të zhvillimit i shohin gabimet dhe pengesat si një mundësi për të mësuar dhe për të përparuar sesa shenja se ata nuk janë të mençur a të talentuar.
Mendësia e zhvillimit sjell shumë përfitime. Fëmijët me këtë mendësi janë më rezistentë, më të adaptueshëm dhe janë më të prirë të kënaqen me mësim edhe kur gjërat vështirësohen.
Mendësia e zhvillimit vs. mendësia e palëvizshme
Nëse fëmija juaj ka një mendësi të zhvillimit, ai beson se inteligjenca mund të zhvillohet. Ai e kupton se mundi shpie te suksesi, prandaj nuk druhen të kryejnë detyra sfiduese. Ky lloj i të menduarit çon në motivim të shtuar dhe nivele më të larta të të arriturave.
Në anën tjetër, nëse fëmija juaj ka një mendësi të palëvizshme, ai beson se inteligjenca është e ngulitur në një gur. Rrjedhimisht, ai është i prirë të dorëzohet para një sfide dhe të ndërmarrë më pak rreziqe.
5 strategji që ndihmojnë fëmijën të drejtohet kah mendësia e zhvillimit
Tani që kuptuat ç’është mendësia e zhvillimit me përfitimet e saj, është thelbësore të mësohet si të ndihmohet fëmija të zhvillojë një mendësi të tillë. Edhe pse disa fëmijë mund të kenë mendësinë e zhvillimit dhuratë nga Zoti, akësecili fëmijë mund të përfitojë nga strategjitë për përvetësimin e mendësisë së zhvillimit. Pa t’i shohim njëherë këto strategji:
- Lëvdoje mundin, jo aftësinë me të cilën ka lindur
Kur fëmija juaj ka sukses në diç, mos i thuaj gjëra si “sa i/e mençur je!” ose “sa i/e aftë je!” Më mirë përqendrohu në të lëvduarit e punës dhe mundit të madh që fëmija juaj ka derdhur në të. Për shembull, mund të thoni: “sigurisht ke punuar goxha fort për këtë!” ose “Bravo! Ia ke dalur mbanë sepse ke mësuar shumë për këtë” dhe lëvdata të tjera të ngjashme në këtë vijë. Ky lloj lëvdate do ta ndihmojë fëmijën të kuptojë se suksesi vjen nga mundi, jo nga aftësia me të cilën ka lindur.
- Ndihmoje fëmijën tënd të shohë dështimin si një mundësi mësimi
Nëse fëmija juaj përjeton ndonjë dështim, është e rëndësishme të ndihmohet të shohë atë si një mundësi për të mësuar dhe për t’u zhvilluar. Mos reago negativisht por inkurajo fëmijën tënd të shohë dështimin si një hap kah suksesi. Ky mund të jetë një ndryshim sfidues i mendësisë për të dy prindër dhe fëmijë, por është vendimtar për përforcim të mendësisë së zhvillimit.
- Inkurajo dashurinë për mësim, jo vetëm për notat e mira
Nga mënyrat më të mira për të nxitur mendësinë e zhvillimit është të edukoni fëmijën tuaj me dashuri për mësimin. Ndihmoi ata të kuptojnë se mësimi është një proces i vazhdueshëm, e jo vetëm diçka që ata e bëjnë për t’i marrë ca nota të mira. Nxitni kuriozitetin dhe eksplorimin. Kur fëmija juaj është i interesuar në një temë, ndihmoje ta eksplorojë atë më tutje. Kjo do ta ndihmojë atë të zhvillojë një mendësi të zhvillimit, si dhe një dashuri për mësim që do të zgjasin përjetë.
- Ndihmo fëmijën tënd të gjejë pasionin e tij
Tjetër mënyrë për të nxitur një mendësi të zhvillimit është të ndihmoni fëmijën tuaj të gjejë pasionin e tij. Kur fëmijët janë të pasionuar për diçka, ata kanë më shumë gjasa të këmbëngulin për të edhe kur gjërat rëndohen. Kjo qëndrueshmëri është element kyç i një mendësie të zhvillimit. Nëse fëmija juaj ende s’ka gjetur ndonjë pasion, provo ta ekspozosh atë para një vargu aktivitetesh dhe shih cili po ia zgjon interesin.
- Fillo nga vetja
Në doni ta ndihmoni fëmijën tuaj të kultivojë një mendësi të zhvillimit, është esenciale të filloni nga vetja. Përvetëso sjellje dhe qëndrime të një mendësie të zhvillimit vetë. Kur ju bëni gabime, pranoni ato dhe flitni çka keni përfituar nga përvoja. Kur ju përballeni me sfida, qëndroni dhe mos u dorëzoni. Jini durimtarë me veten dhe fëmijën tuaj sepse që të dy ju po punoni në kultivimin e mendësisë së zhvillimit.
Për fund
Atëherë, ç’do të thotë e gjithë kjo për ty dhe fëmijën tënd? Një mendësi e zhvillimit është një çelës që i ndihmon fëmijët të arrijnë sukses në shkollë e në jetë. U mundëson atyre të përqafojnë sfidat dhe të mësojnë nga gabimet e tyre. Kur prindërit i ndihmojnë fëmijët e tyre të kultivojnë një mendësi të zhvillimit, ata bëhen gati për një jetë suksesi.
Shpresojmë se ky udhëzues ju ka dhënë disa mënyra praktike për të inkurajuar kultivim të mendësisë së zhvillimit te fëmija juaj. Me pak mund, ti mund ta ndihmosh fëmijën tënd të zhvillojë një mendësi të tillë, e cila do t’i shërbejë atij përgjatë gjithë jetës së tij. Andaj sigurohu t’i mbash në mend këto këshilla dhe t’i vësh në praktikë.
Burimi: Splashlearn
Solli në shqip: Prinderimi.com
Për autorin:
Ursula Cruz kryesisht shkruan për temën e integrimit të teknologjisë në klasa dhe kryqëzimin e edukimit dhe zhvillimit të fëmijës.
