Nga: Amanda Morin
Shqyrtuar nga: Rayma Griffin, MA, MEd
Këshillë e shpejtë (1)
Riformuloni mendimet dhe deklarimet negative
Është e lehtë të përqendrohesh në anën negative të mendimit, prandaj riformulojeni atë në pozitive. “Të lexosh është shumë e vështirë” mund të thuash, por më mirë të thuash: “Po, leximi është i vështirë. Unë do të punoj në një plan për ty për t’u përmirësuar me të.”
Këshillë e shpejtë (2)
Jepni reagime, jo kritika
Flisni për sfidat në një mënyrë motivuese që nuk e bën dikë të ndihet keq. Në vend të, “Pse e la kuzhinën kaq rrëmujë?” thuaj, “Pjatat janë ende në lavaman. Të shikojmë televizor pasi t’i lash?”
Këshillë e shpejtë (3)
Lavdëroni përpjekjen.
Tregoni se si dikush iu afrua përballjes me një sfidë. Kjo i ndihmon ata të mësojnë se janë të aftë të kapërcejnë pengesat. Lavdërimi specifik është çelësi për ndërtimin e vetëvlerësimit pozitiv.
Këshillë e shpejtë (4)
Flisni hapur për sfidat.
Kur dikush po lufton për të pasur vetëvlerësimin e nevojshëm, flisni për gjërat që ju duken sfiduese dhe punoni për t’i kapërcyer. Njohja e sfidave personale ndihmon të tjerët të hapen për sfidat e tyre.
Vetëvlerësim do të thotë se sa shumë njerëzit e vlerësojnë veten dhe sa të rëndësishëm besojnë se janë në botën e tyre. Zhvillimi i vetëvlerësimit pozitiv është i rëndësishëm për të gjithë. Por, mund të jetë më e vështirë për njerëzit që mësojnë dhe mendojnë ndryshe.
Kjo sepse vetëvlerësimi është i lidhur me atë se sa të aftë ndihemi. Njerëzit që mësojnë dhe mendojnë ndryshe shpesh duhet të punojnë më shumë se të tjerët për të bërë përparim në shkollë dhe në punë. Ata gjithashtu duhet të luftojnë edhe në shoqëri.
Mund të jetë e vështirë t’i flasësh dikujt për gjërat në të cilat duhet të përmirësohet. Por, adresimi i qartë i këtyre temave mund t’i ndihmojë ata të zhvillojnë vetëvlerësimin.
Vetëvlerësimi vjen duke punuar shumë drejt një qëllimi. Vetëvlerësimi pozitiv vjen nga njohja e përpjekjeve tuaja, gjetja e pikave tuaja të forta dhe njohja e gabimeve është mundësi tjetër për të mësuar. Me kalimin e kohës, njerëzit mund të mësojnë të përmirësojnë mënyrën se si e shohin dhe vlerësojnë veten.
‘Zhytu më thellë’
Pse fëmijët duhet të mësojnë të dështojnë?
Dështimi mund të jetë një mësues i madh. Kur fëmijët e dinë se ka zgjidhje për gabimet, kjo mund të ndihmojë në ndërtimin e vetëvlerësimit. Kjo u jep atyre mundësinë për të gjetur “herën tjetër mundem” në gabimet e tyre.
Për shembull, mund të thoni: “Po, ju derdhët lëngun. Herën tjetër që do të derdhni lëngun, mund ta mbani gotën mirë mbi lavaman.” Fëmijët që e dinë se dështimi është vetëm një përpjekje e parë, gjithashtu e dinë se është në rregull të provosh në radhë të parë.
Rëndësia e mentorëve
Njohja se ka njerëz të suksesshëm që mësojnë dhe mendojnë ndryshe, të cilët janë përballur me sfida të ngjashme, mund t’ju ndihmojë të ndiheni më pak i vetëm në këtë drejtim. Mund t’ju ndihmojë gjithashtu të shihni një rrugë përpara si zgjidhje.
Merrni parasysh të kërkoni një mentor – pra, dikë që është pak më larg në ‘udhëtim’, për t’ju udhëhequr dhe mbështetur.
Hapat e ardhshëm
Mendësia e rritjes dhe vetëvlerësimi janë të lidhura ngushtë. Njerëzit me një mentalitet rritjeje besojnë se aftësitë e tyre mund të përmirësohen me kalimin e kohës. (Në krahasim me njerëzit me një mentalitet fiks, të cilët mendojnë se aftësitë e tyre janë të vendosura dhe nuk mund të ndryshojnë, pavarësisht sa shumë përpiqen). Mendësia jonë ndikon në mënyrën se si përballemi me sfidat dhe pengesat dhe ndihmon në riformulimin e mënyrës sesi u qasemi sfidave.
Të kesh një mentalitet rritjeje e bën më të lehtë të kuptosh se gjërat mund të mos jenë gjithmonë aq të vështira. Dhe kur njerëzit shohin se mund të bëjnë përmirësime, kjo ndërton vetëbesim pozitiv.
Burimi: Understood
Rreth autorit:
Amanda Morin është autore e “The Everything Parent’s Guide to Education Special” dhe ish-drejtoreshë e udhëheqjes së mendimit në ‘Understood’. Si eksperte dhe shkrimtare, ajo ndihmoi në ndërtimin e platformës ‘Understood’ që në ditët e para.
Shqyrtuar nga:
Rayma Griffin, MA, MEd ka kaluar karrierën e saj 40-vjeçare duke mbrojtur të drejtat e fëmijëve me dallime të të mësuarit dhe të menduarit, si në klasë ashtu edhe si edukatore.
Solli në shqip: Prinderimi.com
