Identifikimi i boshllëqeve në mësim është një hap vendimtar për t’i ndihmuar nxënësit. Këtu janë disa mënyra për ta bërë këtë, të njohura si analiza e boshllëqeve në arsim:
Vlerësimet: Testet dhe kuizet mund të tregojnë se ku ngecin nxënësit. Për shembull, nëse shumë nxënës i bëjnë gabim të njëjtat pyetje, kjo mund të nënkuptojë një boshllëk në kuptimin e tyre për atë temë.
Vëzhgime: Mësimdhënësit mund të shikojnë se si veprojnë nxënësit në klasë. A po marrin pjesë, a janë aktivë? A duken të hutuar? Kjo mund të jetë një mënyrë e mirë për të dalluar boshllëqet.
Reagimet e nxënësve: Ndonjëherë mund të ndihmojë t’i pyesësh ata. Nxënësit mund t’ju tregojnë atë që u duket e vështirë ose nuk e kuptojnë nëse ju i pyesni.
Monitorimi i vazhdueshëm: Është e rëndësishme të kontrolloni se si po bëjnë nxënësit. Në këtë mënyrë, identifikimi i mangësive të të mësuarit bëhet një proces i vazhdueshëm, jo vetëm një kontroll një herë.
Metoda e të mësuarit me boshllëqe: Kjo metodë përfshin shikimin e asaj që nxënësit duhet të dinë dhe krahasimin e saj me atë që dinë. Ndihmon në përcaktimin e saktë se ku janë boshllëqet.
Zbulimi i hershëm i këtyre boshllëqeve është thelbësor. Sa më shpejt të dini për një boshllëk, aq më shpejt mund të filloni të trajtoni boshllëqet e të mësuarit. Kjo i ndihmon nxënësit të arrijnë dhe të vazhdojnë me shokët e tyre të klasës.
Burimi: SplashLearn
Përktheu: Albulena Limani, Prinderimi.com
