Tabela e përmbajtjes:
- Rezultatet e IQ-së
- Talent i jashtëzakonshëm
- Arritje e lartë
- Sfidat e identifikimit
Derisa prindërit mund të pyesin veten se si duken fëmijët e talentuar vetëm për të parë nëse fëmija i tyre duket i ngjashëm me ta, por kategorizimi i një fëmije si ‘ fëmijë i talentuar’ është i vështirë sepse jo të gjithë janë dakord me përkufizimin e të qenët ‘’i talentuar”.
Megjithatë, psikologët dhe edukatorët kanë hulumtuar mjaftueshëm fëmijë të talentuar për të ofruar një profil ekzakt të tipareve që këta fëmijë mund t’i kenë. Shkollat i shikojnë këto tipare së bashku me testet e IQ-së dhe rezultatet e tjera të arritjeve, për t’i ndihmuar ata të identifikojnë studentët e talentuar. (1)
Qeveria federale nuk mandaton programe për fëmijët të talentuar në shkolla dhe vetëm 29 shtete kanë mandate ose fonde të destinuara për programe të tilla. Drejtori juaj ose edhe administrator i shkollës mund të japë detaje mbi arsimimin e fëmijëve të talentuar, që ofrohet (ose jo!) në shkollën e fëmijës suaj. (2)
Rezultatet e IQ
Testet e koeficientit të inteligjencës (IQ) mund të përdoren për të përcaktuar aftësinë tek disa fëmijë. Në varësi të testit që përdoret, diapazoni i IQ-së së talentuar është si më poshtë:
- I talentuar (lehtë): 115 deri në 129
- I talentuar (mesatarisht): 130 deri në 144
- I talentuar (shumë): 145 deri në 159
- I talentuar (jashtëzakonisht): 160 deri në 179
- I talentuar (skajshmërisht): 180 ose më shumë
Këto të dhëna bazohen në një kurbë standarde. Shumica e njerëzve bien në intervalin midis 85 dhe 115, me 100 norma absolute. Ky varg konsiderohet normal.
Sa më larg normës absolute prej 100 të jetë një fëmijë, aq më e madhe është nevoja për akomodime të veçanta arsimore, pavarësisht nëse distanca është mbi 100 apo nën 100.
Talent i jashtëzakonshëm
Talent i jashtëzakonshëm është aftësi për të kryer një gjë në një nivel që zakonisht nuk arrihet deri në vitet e mëvonshme, ndonjëherë edhe deri në moshën madhore. Një 3-vjeçar mund të lexojë si një nxënës i klasës së tretë ose një 9-vjeçar mund të jetë duke luajtur piano si një 18-vjeçar që ka studiuar prej vitesh.
Nëse talenti i jashtëzakonshëm i fëmijës është në një fushë joakademike si muzika ose arti, ata mund të mos identifikohen si të talentuar nga shkolla sepse shumica e testimeve për programet e talentuara bazohen në aftësitë ose arritjet akademike.
Shkollat mund të përdorin metoda të tjera për identifikimin e aftësive në vend të testeve të IQ-së. Testet individuale ose grupore të aftësive, testet e standardizuara të arritjeve dhe rishikimet e punës së klasës mund t’i ndihmojnë shkollat të përcaktojnë se kush do të pranohet në programet e tyre për talentë. (3)
Arritje e lartë
Fëmijët e talentuar janë zakonisht, por jo gjithmonë, me arritje të larta. Edhe kur nuk marrin nota të mira në klasë, ata priren të marrin rezultate të larta në testet e arritjeve, më së shpeshti në intervalin 95-99 përqindësh.
Këta fëmijë duan të mësojnë. Interesi i tyre për të mësuar, i kombinuar me aftësinë për të kuptuar shpejt konceptet e reja dhe për t’i mbajtur mend ato lehtësisht, u mundëson fëmijëve të talentuar të kenë sukses.
Megjithatë, fëmijët e talentuar shpesh nuk janë të motivuar për të pasur sukses në shkollë nga shpërblimet e jashtme si për shembull: notat. Personat me arritje të larta, në të kundërt e atyre të talentuar, motivohen nga gjëra të tilla si lëvdatat, notat e larta dhe vlerësimi i bashkëmoshatarëve të tyre.
Nëse një fëmijë i talentuar e ka humbur motivimin për të mësuar, ai mund të mos dalë mirë në shkollë, megjithëse rezultatet e testit të arritjeve zakonisht do të mbeten të larta.
Sfidat e identifikimit
Ka disa tipare që shihen tek fëmijët e talentuar për të cilat shkolla nuk i teston ose nuk mund t’i testojë. Këto tipare mund të paraqesin sfida kur bëhet fjalë për përmbushjen e përkufizimit të shtetit tuaj për talentin dhe marrjen e programimit arsimor për fëmijën tuaj.
- Ndjeshmëria e shtuar është aq e zakonshme tek fëmijët e talentuar, saqë është një nga karakteristikat që i dallon ata nga fëmijët e tjerë. Fëmijët e talentuar mund të jenë emocionalisht të ndjeshëm, duke qarë për atë që të tjerët e konsiderojnë të parëndësishme, ose mund të jenë fizikisht të ndjeshëm, të shqetësuar edhe nga etiketat e bluzave ose qepjet e çorapeve. (4)
- Motivimi i brendshëm do të thotë që studentët e talentuar e marrin motivimin e tyre nga brenda, dhe jo nga shpërblimet e jashtme, si afishet apo edhe notat. Ata janë të motivuar nga interesi dhe sfida që u del përballë. Edhe nëse një fëmijë i talentuar nuk po arrin në shkollë mësimet, ai ende mund të mësojë dhe të arrijë vetë në shtëpi pa problem.
- Moskonformiteti i bën fëmijët e talentuar të mos shohin nevojën për t’u përshtatur, për të ndjekur rregullat ose për të kryer detyrat e shtëpisë që ata i shohin si të pakuptimta. Kjo karakteristikë mund të çojë në rezultatin ironik të mosarritjeve akademike, të cilat mund të jenë zhgënjyese si për fëmijën ashtu edhe për prindin.
Një mesazh nga Verywell
Nëse besoni se fëmija juaj mund të jetë i talentuar dhe do të përfitonte nga programimi i veçantë, pyesni administratën e shkollës nëse mund të ofrojnë testime. Nëse fëmija juaj del se është vërtetë i talentuar, kërkoni një strehim për të nga administrate shkollore, në mënyrë që fëmija juaj të mësojë në nivelin e tij dhe kësisoji të vazhdojë t’a shijojë shkollën.
Gjithashtu, merrni parasysh mënyrat se si mund të ofroni mundësi shtesë mësimi jashtë shkollës. Regjistrojeni fëmijën tuaj në aktivitetet jashtë shkollësh, në të cilat ai ka përshpejtuar në to, vizitoni muzetë me ta dhe organizatat e përqendruara rreth interesave të fëmijës suaj. Shikoni edhe programet e kolegjit dhe universitetit që synojnë fëmijët e talentuar (të shkollave fillore dhe të mesme).
Nga Carol Bainbridge
Përditësuar më: 27 mars 2021
Rishikuar nga ana mjekësore: Aron Janssen, MD
Përktheu: Perparim Blakaj
Prinderimi.com
Referencat
Verywell Family përdorë vetëm burime me cilësi të lartë, duke përfshirë studime të rishikuara nga kolegët tanë, për të mbështetur faktet brenda artikujve që publikojmë. Lexoni procesin tonë editorial për të mësuar më shumë se si ne kontrollojmë faktet dhe e mbajmë përmbajtjen tonë të saktë, të besueshme dhe të qasshme.
- National Association for Gifted Children. Identification.
- Davidson Institute. Gifted state policies and funding.
- Gifted education.
- Winkler D, Voight A. Giftedness and Overexcitability. Gifted Child Quarterly. 2016;60(4):243-257. doi:10.1177/0016986216657588
