Një analizë e thellë e autorit të njohur amerikan Brandon Smith ka paraqitur në detaje mënyrën e krijimit të “Paradës së Krenarisë” përmes OJQ-ve të financuara nga Qeveria Amerikane. Në shkrimin e tij, Smith përmend edhe raportin e USAID-it për Kosovën lidhur me mënyrën e organizimit dhe funksionalizimit të “Gay Pride”
Në këtë shkrim, Smith analizon se si Qeveria Amerikane ka arritur të krijojë një rend të ri në botë nga asgjë. Ai ka marrë një përshkrim të detajuar lidhur me mënyrën e nisjes së kësaj lëvizje e cila tashmë është shëndërruar në një trend të ri botëror.
Autori i shumë shkrimeve të njohura në Amerikë, ka publikuar së fundmi artiukullin me titullin: “How the US Government and NGOs Created ‘Gay Pride’ From Thin Air”.
Përmes OJQ-ve kryesisht USAID, Amerika ka arritur që të krijojë frymën e “Paradës së Krenarisë”.
Organizata e njohur joqeveritare USAID e cila kishte operuar në Kosovë që nga paslufta e deri më sot, kishte nisur shtrirjen e projektit të saj për “Paradën e Krenarisë” edhe në Kosovë.
Sipas Smith, projekti i USAID ishte që të krijonte këtë frymë që nga fëmijëria. Sipas tij, plani i USAID ishte ndryshimi i kurikulave shkollore për ta rritur frymën e “Gay Pride”.
Sipas një raportit të USAID, të cilin e ka publikuar autori i këtij artikulli, USAID ka trajnuar më shumë se 100 mësimdhënës në Kosovë.
“USAID ka mbajtur një fokus të fortë te shkollat, arsimi dhe fëmijët. Ata pranojnë se kanë targetuar 120 drejtorë shkollash në Kosovë për “trajnim në përfshirjen LGBT”, thuhet mes të tjerash në artikullin e Smith.
Smith ka potencuar se qëllimi i kësaj lëvizje ishte që njerëzit të ndryshonin dhe të ishin në anën “e duhur të historisë” duke u bërë gay.
Sipas tij “Parada e Krenarisë” ishte një shpikje; një iluzion i krijuar në ekzistencë përmes fuqisë së thjeshtë të parave të qeverisë dhe manipulimit të OJQ-ve.
Në Kosovë “Parada e Krenarisë” organizohet tash e tetë vite. Vitin e kaluar motoja ishte “Kemi qenë dhe do të jemi”.
Lexoni artikullin e plotë:
Si arriti ta krijojë Qeveria Amerikane përmes OJQ-ve “Paradën e Krenarisë”
