Vendosni fëmijët tuaj në një rrugë për ushqim të shëndetshëm gjatë gjithë jetës duke kufizuar sasinë e sheqernave të shtuara që hanë, ëmbëlsirat dhe pijet me sheqer kanë shumë kalori, por pak lëndë ushqyese.
Shumica e sheqernave të shtuara vijnë nga pijet e gazuara; pije sportive, energjike dhe frutash; ëmbëlsira; biskota; akullore; karamele; dhe ëmbëlsira të tjera.
- Shërbejeni në pjesë të vogla: Tregojini fëmijës se një sasi e vogël e ëmbëlsirave mund të bëjë një rrugë të gjatë që të eliminohet nga organizmi. Përdorni tasa dhe pjata më të vogla për këto ushqime dhe shërbejini ato në porcione të vogla.
- Pija më e dobishme: Pijet e gazuara dhe pijet e tjera të ëmbëlsuara me sheqer përmbajnë shumë sheqer dhe janë të larta në kalori. Ofroni ujë kur fëmijët janë të etur.
- Vizitoni dyqane që nuk ekspozojnë karamele: Zakonisht karamelet e ekspozuara në kënde të ndryshme të dyqaneve shpesh herë janë një nxitës i madh për fëmijët në blerjen dhe konsumin e tyre. Si këshillë mundohuni të gjeni të tillë, veçanërisht kur blerjet i bëni me fëmijët.
- Zgjidhni të mos ofroni ëmbëlsira si shpërblim: Duke ofruar ushqim si shpërblim për sjelljen e mirë, fëmijët fillojnë të mendojnë se disa ushqime janë më të mira se ushqimet e tjera. Shpërblejeni fëmijën tuaj me fjalë të mira dhe përqafime ngushëlluese ose jepini sende jo ushqimore, si ndonjë figurë të ndryshme, për ta bërë të ndihet i veçantë.
- Bëjeni që frutat të jenë zgjedhja e parë: Ofroni një shumëllojshmëri frutash në mënyra të ndryshme. Bëni figura të ndryshme duke përdorur pjepër, banane dhe luleshtrydhe ose ofroni fruta të plota si dardha ose mollë si dhe të gjitha frutat tjera e duke i dhënë rëndësi frutave të cilat fëmijët i preferojnë.
- Bëni ushqimin argëtues: Ushqimet me sheqer që u tregtohen fëmijëve reklamohen si “ushqime argëtuese”. Bëjini ushqimet ushqyese argëtuese duke i përgatitur me ndihmën e fëmijës suaj dhe duke qenë kreativë së bashku, mund të përgadisni figura në formë buzëqeshjeje me banane dhe rrush të thatë të prera në feta. Pritini frutat në forma argëtuese dhe të lehta.
- Inkurajoni fëmijët të shpikin ushqime të reja: Bëni vetë përzierjet e ushqimeve tuaja nga drithëra të thata me drithëra integrale, fruta të thata dhe arra ose fara të pakripura. Lejoni që fëmijët që kanë arritur një moshë si parashkollorë apo shkollorë të përzgjedhin përbërësit për të krijuar ushqimin e tyre.
- Luani lojëra të ndryshme: Tregojuni fëmijëve se si të gjejnë sasinë e sheqernave totale në etiketën produkteve me përmbajtjen e tyre në drithëra, kos dhe produkte të tjera. Sfidojini ata të krahasojnë produktet që u pëlqejnë dhe zgjidhni atë me sasinë më të ulët të sheqerit.
- Bëni përjashtime: Krijoni një rutinë të ushqimit larg sheqerit. Përdorimi i vetëm apo I mundshëm I sheqerit le të jetë vetëm për raste të veçanta por le të jenë të rralla.
- Nëse fëmijët nuk hanë vaktin e tyre, ata nuk kanë nevojë për ëmbëlsira “shtesë”: Mbani në mend se ëmbëlsirat ose biskotat nuk duhet të zëvendësojnë ushqimet që nuk hahen në kohën e vaktit.
Autore: Dr. Marigona Gashi, Prinderimi.com
