Shprehja “Për fëmijën tim, bëj gjithçka!” shpesh përdoret nga prindërit për të shprehur dashurinë dhe përkushtimin e tyre të pafund ndaj fëmijëve. Megjithatë, ekspertja Lira Gjika, në artikullin e saj, argumenton se përdorimi i kësaj fraze mund të krijojë një presion të panevojshëm tek prindërit dhe të zhvillojë një ndjenjë varësie tek fëmijët, duke u dërguar atyre mesazhin se gjithçka mund të arrihet pa përpjekje të tyre personale.
Në profilin e saj në facebook ajo ka publikuar disa këshilla për prindërit:
”Një prind, sidomos një nënë, zgjedh për fëmijën e vet, të bëjë më të mirën dhe jo gjithçka. Ashtu siç zgjedh, ushqimet, veshjen, shampot dhe sapunet larës të rrobave, po ashtu, duhet të zgjedhë si ta prekë, si ti flasë dhe si të sillet me fëmijën, cila është gjëja më e mira për të. Pra një prind, dhe sidomos një nënë nuk mund të bëjë gjithçka, por vetëm më të mirën, (natyrisht për aq sa e di të mirën), për veten dhe fëmijën e sajë.
Një prind, që bën një deklaratë të tillë nuk di të dojë me më të mirën e shpirtit. Ky prind apo prindër, veprojnë nëpërmjet ndjesive, pra sipas ngarkesës emocionale apo më saktë sipas ndjenjës së fajit, që për ta është bërë stofa për të njohur e “endur” të mirën. (Ka studime të plota që merren pikërisht me këto sjellje të prindërve.) Kjo shprehje dhe shprehje të tjera të kësaj kategorie, nuk lejojnë të ndërtohet një marrëdhënie e shëndetshme prind fëmijë, pasi këto gjëndje të prindërve ku ndjesitë luhaten vazhdimisht, te fëmija shkaktojnë frikë dhe pasiguri.
Kur fëmija shikon dhe ndjen nënën, që grindet apo qan apo flet me passion, trëmbet dhe mendon se është fajtori ai, fëmija. Prandaj ju nëna dhe baballarë, por edhe gjyshe e gjyshër, kujdes, nëse vërtetë i doni fëmijët, bëni më të mirën për ta, dhe jo atë, që ju duket ju e mirë.”
© Prinderimi.com Të gjitha të drejtat e rezervuara.
