Nga: Ekipi i ‘Understood’
4 përgjigje
Shumë fëmijë që mësojnë dhe mendojnë ndryshe përballen me sfida çdo ditë. Kështu që mund të jetë e vështirë t’i shohësh ata teksa provojnë diçka dhe të dështojnë, duke e ditur se tashmë kanë përjetuar edhe pengesa të tjera.
A është në rregull që fëmijët të dështojnë? Çfarë mund të përfitojnë fëmijët nga përjetimi i dështimit? Këtu janë përgjigjet nga katër ekspertët e ekipit Understood:
Përgjigja e Kristin J. Carothers, PhD:
Përjetimi i dështimit i ndihmon fëmijët të fitojnë përvojë të vlefshme jetësore. Ata mësojnë të përshtaten me stresin dhe të shtyjnë përpara vetën kur gjërat nuk janë të lehta. Aktivitetet me aksione të ulëta, si lojërat në tavolinë ose sportet tjera, janë mundësi të sigurta për të mësuar se dështimi është një pjesë e natyrshme e jetës.
Për t’i ndihmuar fëmijët të mësojnë nga dështimi, kërkojuni të reflektojnë mbi atë që ndodhi dhe ta zgjidhin problemin herën tjetër. Lavdëroni fëmijët nëse qëndrojnë të qetë në përgjigje të zhgënjimit. Dhe ndihmoni fëmijët të mësojnë se si të njohin të tjerët që mund të kenë pasur sukses në të njëjtën situatë.
Nuk është në rregull të lini fëmijët të dështojnë nëse kjo mund të shkaktojë rrezik për shëndetin e tyre fizik ose emocional. Shmangni vendosjen e fëmijëve në situata ku shanset janë kundër tyre. Për shembull, nëse nuk kanë pasur mundësi të përgatiten ose nëse nuk kanë të njëjtat burime si të tjerët për të pasur sukses.
Kristin J. Carothers, PhD, është psikologe klinike për fëmijë.
Përgjigje nga: Brendan R. Hodnett, MAT
Dështimi është një tjetër hap në procesin e të mësuarit. Ne mund t’i mësojmë fëmijët të përqafojnë gabimet e tyre si një mënyrë për të përmirësuar veten. Praktikimi i një procesi reflektues për të parë se ku kanë gabuar, duke bërë ndryshime dhe më pas duke u përpjekur përsëri, rrit të mësuarit dhe përvojën. Ajo gjithashtu ndërton elasticitet dhe këmbëngulje.
Fëmijët mësojnë më mirë nga dështimi kur ka kohë për reagime dhe reflektim. Kjo tingëllon si proves që kërkon kohë, por nuk duhet të konsiderohet kështu. Mund të jetë po aq e thjeshtë sa një diskutim i shpejtë i asaj që shkoi keq dhe si do ta rregulloni herën tjetër.
Brendan Hodnett, MAT, është mësues i edukimit special.
Përgjigje nga: Kelli Johnson, MA
Fëmijët që marrin mesazhin se është në rregull të dështosh, mësojnë se është në rregull edhe të provosh. Ata janë në gjendje të shijojnë aktivitete të reja sepse veprimet nuk janë edhe aq të larta. Ata gjithashtu mësojnë të zgjidhin problemet dhe të kuptojnë pasojat natyrore.
Është e rëndësishme t’u jepet fëmijëve hapësirë për të bërë gabime dhe për të zgjidhur problemet. Por, ju gjithashtu duhet të bëni gjykime për atë që fëmijët janë gati të trajtojnë si ‘probleme’. Sigurohuni që ata të kenë mjetet që u nevojiten për të provuar dhe zgjidhur problemin vetë problemin.
Kelli Johnson, MA, është një patologe edukative e të folurit-gjuhës.
Përgjigje nga: Mark J. Griffin, PhD
Fëmijët që mësojnë dhe mendojnë ndryshe mund të fitojnë shumë nga dështimi në diçka – por vetëm nëse ka një mundësi që ata të mësojnë nga dështimi. Duhet të ketë një mënyrë që ata të zhvillojnë një sërë strategjish për të shmangur dështimin në të ardhmen.
Një udhëzues i mirë është t’i lini fëmijët të dështojnë kur ata kanë një mundësi të mirë për t’u përmirësuar në zgjidhjen e problemeve herën tjetër. Kjo vlen për çdo gjë që ata po bëjnë – duke lexuar, duke luajtur një sport ose duke marrë pjesë në një klub aktivitetesh. Nëse fëmijët nuk kanë asnjë shans për sukses për shkak të mungesës së aftësive ose strategjive, dështimi i vazhdueshëm vetëm i përkeqëson gjërat.
Mark Griffin, PhD, ishte drejtori themelues i Eagle Hill School,
një shkollë për fëmijët me aftësi të kufizuara specifike në të mësuar.
Të mësuarit nga dështimi mund të ndërtojë vetëdijen e fëmijëve dhe t’i ndihmojë ata të bëhen vetë-avokues më të mirë. Por, fëmijët mund të kenë nevojë për mbështetje për të qenë më të gatshëm për të rrezikuar dhe për të bërë gabime.
Burimi: Understood
Rreth autorëve:
Ekipi ‘Understood’ përbëhet nga shkrimtarë dhe redaktorë të pasionuar. Shumë prej tyre kanë fëmijë që mësojnë dhe mendojnë ndryshe.
Përktheu: Perparim Blakaj
Prinderimi.com
