Nga data 24-28 korrik, në Prizren do të mbahet edicioni i 16-të i Panairit të Librit. Sivjet, pjesë e këtij Panairi do të jenë rreth 25 shtëpi botuese, ndërsa nuk do të mungojnë edhe programe të pasura letrare, thonë organizatorët. Në organizim të Institutit për Kulturë dhe Kërkime Sociale – IKKS, nga e mërkura, në Prizren do të mbahet edhe Panairi tradicional i librit në ambient të hapur, i cili këtë vit shënon edicionin e XVI-të të tij.
Ditar Kabashi nga këshilli organizativ, tha se tashmë janë bërë të gjitha përgatitjet e duhura për mbarëvajtjen e këtij panairi, i cili pritet të përshkruhet me një program të begatë nga autorë të ndryshëm të përbërë nga: romancierë, poetë dhe historianë nga trevat mbarëshqiptare, dhe me pjesëmarrje të shtëpive botuese. Ai thotë më tej se veçoritë e kësaj ngjarje kulturore që mbahet në ambient të hapur janë programet letrare, të cilat e zbukurojnë panairin, ndërsa me tituj të librave do të jenë të pranishme rreth 25 shtëpi botuese.
Z. Kabashi tha në fund se ky panair, është organizimi më i denjë i kulturës në qytetin e Prizrenit dhe qytetarët e tij. Panairi do të jetë i hapur nga data 24-28 korrik në Sheshin e Lidhjes, ndërsa programi letrar do të mbahet mbrëmjeve buzë Lumbardhit në kejin e Shatërvanit.
Intervista e plotë: 
https://www.facebook.com/watch?v=1396039441065378
https://www.facebook.com/watch?v=1396039441065378