Ministrja e Arsimit, Arbërie Nagavci përmes një postimi në Facebook ka uruar nxënësit, prindërit, mësimdhënësit, udhëheqësit e e shkollave dhe zyrtarët komunal, për fillimin e vitit të ri shkollor. /Prinderimi.com/
Postimi i saj i plotë:
Të dashur nxënës, të nderuar prindër, mësimdhënës, udhëheqës të shkollave e zyrtarë komunal. Urime dita e parë e vitit shkollor. Një urim i veçantë për fatosat që për herë të parë ulen në bankat shkollore. Sot fillon një kapitull i ri për nxënësit tanë, shumë mundësi e përvoja të reja!
Jam besimplotë për një vit motivues, frymëzues e punë me përkushtim nga mësimdhënësit, andaj dhe plot suksese për nxënësit tanë. Me punë e përkushtim do të realizojmë misionin tonë për një arsim cilësor. Në bashkëpunim me shkollat, prindërit, mësimdhënësit suksesi do të jetë i garantuar.
Qoftë një vit i mbarë!
