Ministrja e Arsimit, Arbërie Nagavci, ka njoftuar se janë hapur disa pozita të reja pune në këtë ministri, shkruan AlbanainEducation.net.
Postimi i saj:
Kemi publikuar konkursin për grupin e parë të pozitave menaxheriale në MASHTI. Konkursi do të jetë i hapur deri më 17.08.2024 dhe vlen për këto pozita:
-Drejtor i Departamentit të Arsimit Parauniversitar;
-Drejtor i Departamentit për Integrim Evropian dhe Koordinim të Politikave;
-Drejtor i Departamentit për Zhvillimin e Standardeve dhe Normativave për Hapësirat Arsimore;
-Drejtor i Departamentit për Buxhet dhe Financa;
-Drejtor i Departamentit për Digjitalizimin e Arsimit;
-Udhëheqës i Divizionit për administrimin e platformave digjitale në arsim
-Udhëheqës i Divizionit për digjitalizimin e përmbajtjeve arsimore.
Pas përfshirjes nga DMZP në SIMBNJ, do të publikohen edhe konkurset për pozitat Drejtor i Departamentit të Arsimit të Lartë dhe Shkencës dhe Drejtor i Departamentit për Shërbime të Përgjithshme.
I inkurajoj të gjithë ata që i plotësojnë kriteret që të aplikojnë në këto pozita.
Së shpejti do të procedojmë me fazën e dytë të konkurseve me pozitat e tjera të nevojshme, duke vazhduar me publikime me faza të caktuara me qëllim të menaxhimit të të gjitha aplikimeve, verifikimit të kandidatëve, testimit me shkrim, intervistave dhe të gjitha procedurave që rrjedhin nga legjislacioni.
