“Si ju shohin njerëzit, mendoj, me mediat sociale? Ju dëshironi të bëni një fotografi të mirë vetes, ta bëni të duket sikur jeta juaj është aq e mirë aq e përsosur, edhe pse jeta e të gjithëve (ndoshta) është e përsosur sikurse e jotja!!”
– 16-vjeçari Sky Gupta i tha babait të saj të moshuar Dr. Sanjay Gupta, gjatë një interviste në të cilën ajo preku temën e presionit për të qenë perfekt.
Shumë të rinj janë në ankth
Nuk është sekret që të rinjtë, veçanërisht gratë e reja, janë në krizë. Një raport nga Qendrat Amerikane të Kontrollit dhe Parandalimit të Sëmundjeve , i publikuar në mes të shkurtit dhe i bazuar në të dhënat e vjeshtës të vitit 2021, përshkruan një pamje pikëlluese dhe shqetësuese rreth shëndetit mendor të nxënësve të shkollave të mesme sot. Është sondazhi i parë i Sjelljes së Rrezikshme nga të Rinjtë, i kryer çdo dy vjet, për të mbledhur informacione të sakta në lidhje me këtë çështje, që nga fillimi i pandemisë Covid-19.
Sondazhi zbuloi se 57% e vajzave adoleshente raportuan se ndiheshin vazhdimisht të trishtuara ose të pashpresa në vitin 2021, ndërsa shkalla për djemtë adoleshentë ishte pothuajse gjysma e asaj, por ende shumë e lartë, në 29%.
Raporti dokumentoi gjithashtu se gati një në tre vajza adoleshente konsideronte seriozisht tentativën për vetëvrasje. Ka pasur rritje nga anketat e mëparshme në vajzat adoleshente që kanë përjetuar dhunë seksuale dhe djemtë adoleshentë që kanë përjetuar ngacmim seksual (elektronik), gjithashtu.
Megjithëse raporti nuk i lidh ose nuk i bën shkaktare këto gjetje alarmante (në mënyrë specifike) me përdorimin e internetit ose mediave sociale, studime të tjera që janë realizuar kanë bërë që shoqatat, zyrtarët e shëndetit publik dhe psikologët të gjejnë disa lidhje për të bërë shkaktarë përdorimin e internetit ose mediave sociale si ndikues negativ në shëndetin mendor.
Korrelacioni nuk është shkak, por dëshmia e një lidhjeje të fortë është e vështirë të injorohet.
“Është shumë e qartë se shumica nga ajo që po ndodh me adoleshentin mesatar është se ata po jetojnë pjesën më të madhe nga jeta e tyre në botën dixhitale pra në mediat sociale, dhe kjo lidhet/ndikon në shëndetin e tyre mendor… por edhe se si do të ndihen ata për shumë gjëra”, tha Keneisha Sinclair-McBride, një psikologe pjesëmarrëse në Departamentin e Psikiatrisë dhe Shkencave të Sjelljes në Spitalin e Fëmijëve në Boston dhe një asistent-profesor i psikologjisë në Shkollën Mjekësore të Harvardit.
Sinclair-McBride, e cila është e specializuar pjesërisht në çështjet e imazhit të trupit dhe çrregullimet e të ngrënit, tha se ajo po sheh shumë depresion, ankth dhe trauma në praktikën e saj. Ajo e përshkruan atë si “një epidemi vetmie dhe tronditjeje”.
Ajo nuk mendon se është ‘largmendsh’ të lidhësh çrregullimet e të ngrënit dhe çështjet e shëndetit mendor që përqendrohen rreth imazhit të trupit me përdorimin e mediave sociale.
“Unë nuk mendoj se është gjest i ligë (për të nxjerrë një përfundim). Mendoj se gjithçka mund të fillojë në mënyrë të pafajshme si psh, kur i drejtohemi dikujt me: ‘Ngrënia e atij personi duket vërtet e shëndetshme; ndoshta do të kopjoj disa nga recetat e saj.‘ Dhe kjo mund të jetë super ide e padëmshme, argëtuese dhe e thjeshtë,” tha ajo, por “ju mund të bini lehtësisht nga vrima e lepurit gjithnjë e më shumë e më shumë, në varësi të përbërjes tuaj të veçantë. (Pra, nga dëshira e thjeshtë për të kopjuar një recetë, ju merrni edhe idenë e të jetuarit sipas atyre dhe do të kopjoni ata në vazhdimësi, nga mënyra sesi hanë, pijnë, sillen etj.)
“Dhe pastaj është fakti që ka kaq shumë pamje të njerëzve në botën dixhitale që nuk është reale, apo jo?” ajo tha. “Filtra, Photoshop, përmirësime kozmetike që kanë njerëzit. Dhe shumë adoleshentë që ende po mësohen me trupin e tyre në rritje po e krahasojnë veten: ‘Epo, unë nuk dukem si ajo apo kjo’. (Por) as ajo nuk i ngjan asaj!
Ju nuk e dini këtë gjë sepse po shikoni burimin e saj në rrjetet sociale. Më pas do të ndiheni në një gjendje të papërshtatshme për shkak të asaj që po shihni në ekranin tuaj. Njerëzit shohin diçka që nuk është reale në mediat sociale dhe fillojnë të krahasojnë vetën e tyre me ta, stilin e jetës, mënyrën e shpenzimeve, ushqimit etj.
Cili është ‘efekti selfie’?
Pra, quhet ”Efekti Selfie” dhe kjo ka një kuptim. Studimet kanë treguar se lëvizja nëpër një sasi të pakufizuar imazhesh të krijuara me kujdes dhe më pas krahasimi i tyre me rrethanat tuaja të jetës reale mund të ketë një efekt të dukshëm në gjendjen shpirtërore dhe shëndetin psikologjik. Edhe të shohësh veten shumë shpesh në një selfie të filtruar mund të shtrembërojë perceptimin, duke rezultuar në pakënaqësi , për të mos përmendur se si shtrembërimi i kamerave të një smartphone mund të çojë gjithashtu në shqetësim .
Çfarë mund të bëjmë për të luftuar këtë sallë të pafund pasqyrash dhe për të ruajtur shëndetin mendor të adoleshentëve të sotëm?
Për këshilla se si t’i ndihmoni fëmijët tuaj të lundrojnë në këtë fushë të minuar dhe të arrijnë ekuilibrin, dhe për më shumë nga biseda me Sinclair-McBride, dëgjoni podkastin e plotë këtu. (Shënim: Podcasti është në gjuhën angleze dhe quhet ”Ndjekja e jetës”, dhe parashtrohen pyetje të tilla si: A thotë shkencë diçka për të qenë të lumtur? A e përcakton kimia e trurit tonë, apo edhe gjenetika jonë, se si ndihemi për jetën tonë? A mund të mësojmë të bëhemi edhe më të lumtur? Ndërsa lumturia mund të duket e ndryshme për të gjithë dhe ndonjëherë mund të duket e pamundur për t’u arritur, ne e dimë se është një emocion që mund të jetë vendimtar për shëndetin tuaj fizik dhe mendor. Pra, në këtë sezon të Chasing Life, Dr. Sanjay Gupta po synon të kuptojë më mirë lumturinë dhe atë që shkenca na tregon për mënyrat më të mira për ta arritur atë. ).
Përktheu dhe përshtati: Perparim Blakaj
Burimi: CNN
Prinderimi.com
