Të gjithë prindërit duan të kenë fëmijë të mrekullueshëm, ata duan që ata të jenë të sjellshëm si fëmijë dhe të jenë njerëz të përgjegjshëm dhe të dobishëm për shoqërinë si të rritur. Sidoqoftë, ata shpesh bëjnë shumë më tepër përpjekje për të planifikuar të nesërmen, sesa të mbjellin themelet e duhura në të tashmen ku janë. Disa prindër mendojnë se kur fëmijët e tyre janë të vegjël, ata thjesht duhet të binden dhe se rritja e një fëmije është e kufizuar në këtë gjë. Rezultati i këtij qëndrimi është rritja e pranisë së fëmijëve trasgresivë dhe të rriturve të pakënaqur. Kur rritni një fëmijë, por nuk keni kritere logjike dhe të qëndrueshme, shanset janë që këto të tregojnë sjellje rebele dhe / ose hermetike. Ndoshta ata do të jenë kapriçiozë, ndoshta do të jenë autoritarë, por, në të gjitha rastet, do të jenë fëmijë të paqëndrueshëm. Ata nuk janë në gjendje të krijojnë një lidhje emocionale dhe intime me prindërit e tyre, por përkundrazi jetojnë një luftë të heshtur, ose të hapur me ta.
Një nga fazat më të rëndësishme të jetës sonë është fëmijëria. Eshtë gjatë kësaj kohe që ndërtohen themelet e një mendjeje të shëndoshë dhe një zemre të lehtë. Në këtë mënyrë, disa sjellje të prindërve lënë një gjurmë të pashlyeshme: herë pozitive, herë negative, por gjithmonë të thella. Le të shohim se cilat janë 5 nga ato sjellje që fëmijët rrallë i harrojnë.
Fëmijët nuk i harrojnë kurrë rrahjet
Asnjë marrëdhënie nuk është perfekte, aq më pak një marrëdhënie intensive si ajo midis prindërve dhe fëmijëve. Gjithmonë do të ketë momente kontradiktore ose konflikti dhe kjo është plotësisht normale. Megjithatë, ajo që ndryshon është mënyra në të cilën përballen ato vështirësi dhe, për fat të keq, shumë prindër konsiderojnë, duke bërë një gabim, se rrahjet janë një mjet i dobishëm për edukimin e fëmijëve të tyre. Ndoshta me dhunë fizike është e mundur të frikësohet një fëmijë që të bëjë pikërisht atë që dëshiron prindi. Sidoqoftë, e njëjta rrahje do të kthehet në farën e mungesës së vetëvlerësimit të tij dhe burim pakënaqësie. Dhuna i vë fëmijët në një situatë shumë komplekse: dashuri dhe urrejtje në të njëjtën kohë. Gjithashtu i bën ata të vetëdijshëm për frikën. Zemra e një fëmije është shumë e ndjeshme dhe nëse lëndohet vazhdimisht, ajo do të mpihet me kalimin e kohës.
Fëmijët nuk e harrojnë kurrë mënyrën sesi njëri prind trajton prindin tjetër
Marrëdhënia midis prindërve është baza nga e cila fëmija fillon të krijojë qëndrimin e tij ndaj marrëdhënieve në çift. Ka shumë të ngjarë që, me vetëdije apo jo, kur të rritet, fëmija të përsërisë me partnerin atë që ka parë në shtëpi me prindërit. Mos harroni se konfliktet midis prindërve janë një burim ankthi për një fëmijë. Një nga pasojat e mundshme do të jetë fakti që ai do të futet në telashe vetëm për të tërhequr vëmendjen e prindërve, të cilët nuk kujdesen sa duhet për të, sepse ata janë shumë të fokusuar në konfliktin që ekziston mes tyre. Përveç kësaj, do të jetë në gjendje ose jo të gëzojë marrëdhënie romantike në varësi të sjelljeve që ka mësuar.
Fëmijët nuk i harrojnë kurrë momentet kur janë ndjerë të mbrojtur
Frika e fëmijëve është më e madhe dhe më tinëzare sesa ajo e të rriturve. Të vegjlit e shtëpisë nuk janë në gjendje të dallojnë mirë vijën që ndan realitetin nga imagjinata. Prindërit janë njerëzit që kanë më shumë besim nëse kanë nevojë për atë ndjenjë sigurie që i ndihmon ata të mësojnë dhe eksplorojnë atë që nuk dinë. Në këtë mënyrë, nëse prindërit e tyre janë ata që lëshojnë atë frikë tek fëmijët, ata do të ndihen plotësisht të pambrojtur. Prindërit duhet të dëgjojnë me shumë kujdes frikërat e tyre, pa i kritikuar apo minimizuar ato. Ata duhet të kuptojnë se nuk janë me të vërtetë në rrezik. Kjo do të rrisë ndjenjën e sigurisë së fëmijëve dhe do ta bëjë lidhjen e dashurisë dhe respektit me prindërit e tyre shumë më të fortë.
Fëmijët nuk e harrojnë kurrë mungesën e vëmendjes
Për një fëmijë, dashuria që prindërit ndjejnë për të është e lidhur ngushtë me vëmendjen që marrin nga ata. Për fëmijët, për shembull, të punosh shumë për të paguar për një shkollë të shtrenjtë nuk është një mënyrë për të shprehur dashurinë. Fëmijët nuk do të mendojnë se janë të dashur nga prindërit e tyre nëse nuk ndajnë me ta kohën që duhet për t’i njohur dhe për të ditur se çfarë po ndodh në botën e tyre. Një fëmijë nuk harron kurrë se babai ose nëna e tij i dhanë një këmishë të gjelbër, kur ai e përsëriti deri në lodhje se donte një të kuqe ose se ata bënë një premtim që nuk e mbajtën kurrë. Fëmijët e përjetojnë këtë si një lloj braktisjeje, si një mesazh që thotë: “ju nuk jeni mjaftueshëm të rëndësishëm”. Dhe kjo do të lërë një gjurmë dhimbjeje në zemrat e tyre.
Fëmijët nuk e harrojnë kurrë vlerën që prindërit i kushtojnë familjes
Fëmijët kurrë nuk do të harrojnë nëse babai ose nëna e tyre ishin në gjendje t’i jepnin përparësi familjes së tyre në rrethana të ndryshme. Fëmijët kanë nevojë dhe u pëlqejnë festimet, pavarësisht nëse ka shumë apo pak dhurata. Eshtë gjithashtu shumë e rëndësishme për ta që prindërit ta marrin seriozisht festën kryesore, në rastin tonë Festat e Bajramit. Nëse prindërit i japin përparësi kryesore familjes, fëmijët do të mësojnë vlerën e besnikërisë dhe dashurisë. Si të rritur, ata gjithashtu do të jenë në gjendje të lënë mënjanë çdo angazhim për të vizituar prindërit e tyre kur të kenë nevojë. Ata do të jenë më të kënaqur dhe do të kenë një aftësi më të madhe për të dhënë dhe marrë dashuri.
Të gjitha këto gjurmë që mbeten të shtypura gjatë fëmijërisë na shoqërojnë për pjesën tjetër të jetës sonë. Shumë shpesh ato përfaqësojnë ndryshimin midis një jete të shëndetshme mendërisht dhe një jete të dominuar nga konflikti. Një fëmijëri plot dashuri është dhurata më e mirë që një qenie njerëzore mund t’i japë një tjetri.
