Të luash me ta
Po ashtu, një nga mjetet që i bën fëmijët të ndjehen të rëndësishëm, është edhe fakti që ti pranon të luash dhe të sillesh me butësi me ta. Këto janë mjete indirekte, që u tregojnë atyre se ne i vlerësojmë dhe i duam.
T’u mësosh atyre që të mbështeten tek vetja e tyre në këtë mënyrë:
a. Duke marrë pjesë bashkë me ta në pastrimin e ambienteve të tyre.
b. Duke i mësuar ata që gjatë ushqimit të hanë me dorën e vet dhe të mos merakosesh se mund t’i bëjnë pis rrobat e tyre ose vendin mbi të cilin qëndrojnë të ulur.
c. Duke mos ia zgjidhur ti detyrat e tyre të shtëpisë.
ç. Duke i ngarkuar me disa detyra ose punë, që u përshtaten atyre.
d. Duke u marrë mendim atyre për çështjet që kanë të bëjnë me ta, si p.sh. llojin e veshjeve, ngjyrat tyre, lojën ose ëmbëlsirën që duan të blejnë.
Të mbash drejtësi mes fëmijëve
Duhet të tregohesh i drejtë mes fëmijëve në çdo gjë, deri edhe në përkëdhelje, në mënyrë që asnjëri prej tyre të mos ndjejë se po diferencohet, pasi kjo do të ndikonte shumë në personalitetin e tyre.
Mos i rrih ata
Rrahja si ndëshkim edukativ, mund të përdoret vetëm në raste ekstreme, por kjo duhet të jetë zgjidhja e fundit, pasi t’i kesh përdorur të gjitha llojet e tjera të ndëshkimit. Kjo bëhet për shkak të ndikimit të madh që ka rrahja në dobësimin e personalitetit të fëmijës, madje rrahja ndikon tek ata edhe në moshën e pjekurisë.
Së trembëdhjeti: Harrimi i gabimeve
Nuk duhet që t’ua kujtojmë fëmijëve gabimet e shkuara, por le t’ua hapim atyre derën e shpresës dhe të korrigjimit të gabimeve, duke e vënë theksin tek cilësitë pozitive që janë përmirësuar.
Shmangia e shfaqjes para fëmijëve të problemeve që lindin mes prindërve
Problemet që lindin mes bashkëshortëve, nuk duhet të shfaqen para fëmijëve, sepse kjo gjë ka një ndikim negativ shumë të madh tek ata. Para tyre duhet të shfaqim gjithmonë dashuri, mirëkuptim dhe gëzim, sepse këto kanë ndikim pozitiv në anën shpirtërore të fëmijëve.
Garantimi i sigurisë shpirtërore
Nuk duhet që t’i kërcënosh fëmijët se do t’i braktisësh, ose se do t’i ndëshkosh, ose se do t’i ndash nga babai ose nëna. Asnjëherë nuk duhet t’i shfaqësh të metat e tyre, ose t’i zbresësh nga makina apo edhe t’i dëbosh nga shtëpia. Përkundrazi, ti duhet t’u garantosh atyre siguri shpirtërore.
Shmangi termat dhe shprehjet, që e dobësojnë besimin e tij në vetvete. Ti mund t’i thuash p.sh: “Ti je një djalë i mrekullueshëm, po përse vepron si filani apo filani nga shokët e tu?” ose: “Përse je në mëdyshje kështu?”, ose: “Përse ke një personalitet të dobët kështu?” etj.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
