Disa prej mënyrave të djemve për të mashtruar vajzat
Adoleshenti paraqitet si person i devotshëm që i frikësohet Allahut derisa t’ia largoj brengat vajzës. Një vajzë një herë më shkroi në një letër se ajo kishte shkëmbyer mesazhe në internet me një person, i cili i shkruante asaj: “Kujdesu të mos bëjmë diçka me të cilën e tërheqim hidhërimin e Allahut. Kujdes nga gjuha që e përdor.”
Vajza u ndje e sigurt dhe vazhdoi me shkëmbimin e mesazheve për disa javë rresht. I riu dukej të ishte i sjellshëm dhe korrekt. Ai shfaqte një të kuptuar të admirueshëm të jetës dhe dukej se kishte përbuzje për kotësirat. Ai vazhdoi me këtë stil derisa zemra e vajzës u lidh me të. Vajzën nuk e zinte gjumë pa marrë një mesazh prej tij ose një përgjigje ndaj mesazhit të saj. Pastaj ata filluan të shkëmbenin mesazhe për aspiratat dhe synimet e tyre. Doli se ai dëshironte të bëhej pilot ushtarak, ndërsa ajo dëshironte të specializonte në edukim.
Pas kësaj në mes tyre filloi një fazë e re. Ata filluan të ëndërronin për folenë e tyre të lumtur dhe për jetën e përbashkët. Kjo vazhdoi për një kohë derisa ai i tha një ditë: “Dëshiroj t’ju kërkoj dorën te familja jote, mirëpo sugjeroj që të takohemi dhe të shohim njëri- tjetrin në një vend publik.” Kështu ata u takuan në një qendër të madhe tregtare dhe vajza u lidh me djalin edhe më tepër. Ai dukej të ishte njeriu më i mirë me të cilin do të martohej nëse lejonin rrethanat. Pas një kohe ajo filloi të hipte në veturën e tij dhe të dytë shëtisnin përreth qytetit. Pastaj një ditë ai voziti një distancë larg qytetit dhe mori disa fotografi të saj dhe ajo mori disa fotografi të tij. Pastaj ai i kërkoi që të lejonte të kryente marrëdhënie me të. Ajo u tmerrua dhe filloi të bërtiste. Meqenëse kishte njerëz afër, ai u frikësua nga pasojat dhe e dërgoi atë në shtëpi. Problemi ishte se ajo detyrohej të takohej me të. Ai i kishte fotografitë dhe bashkëbisedimet ishin incizuar. Ajo mund të ekspozohej lehtë. Ajo dëshironte të dinte për një rrugëdalje: “Kujt mund t’i kërkoj të më shpëtoj” – pyeti ajo.
Në raste të tjera, i riu do të paraqitet para vajzës si një njeri elegant, i ndjeshëm dhe miqësor, i cili i respekton ndjenjat e njerëzve të tjerë dhe përpiqet të hapet me të tjerët. Ai shfaqet si i ri i cili kombinohet shpirtmadhësia, moderniteti dhe mendjegjerësia. Gjuha e tij do të jetë e sjellshme, do të jetë fjalëshumë, do të përdorë shprehje të ëmbla, sepse e di se mendjet e vajzave fascinohen nga fjalët e ëmbla dhe romantike. Nëse metoda e parë funksionon me disa familje konservative dhe fetare, kjo e fundit i përshtatet vajzave që janë më pak fetare, ato që janë më të lira. Të rinjtë kanë mënyrat e tyre për të zbuluar se cilit lloj i takon vajza.
– Metoda e fundit është nëpërmjet shantazhit dhe kërcënimit, me anë të të cilave një i ri shfrytëzon gabimin e një vajze, një fotografi, një numër telefoni, emali i saj etj. Ai e di mirë si të manipulojë atë. Shumë herë vajzat kanë gjetur veten në një kurth të rrezikshëm, duke qenë të pavëmendshme se si u ka ardhur, ndonëse në shumi- cën e rasteve kjo u ka ardhur nga papërvoja e tyre me djem. Disa të rinj kanë synim të mashtrojnë vajzat fetare dhe konservative sepse dëshirojnë të vërtetojnë para atyre që i rrethojnë se mund të joshin çdo vajzë. Ata mburren: “Mund të shihni se si arrij t’i mashtroj të gjitha!”
Prinderimi.com
Prof. Dr. Abdul Kerim Bekkar, “Adoleshentët”
(Vështrime mbi adoleshentët, si t’i kuptojmë, si t’u qasemi dhe si të ndërveprojmë me ta)
