Bukuria e mendjes njerëzore është pikërisht se ne në vazhdimësi mësojmë dhe mund ndryshojmë gjatë ritjes. Si qenie sociale që jemi, në vazhdimësi jemi në kërkim të njohurive të cilat na ndihmojnë të përvetësojmë vlerat sa më cilësore dhe ti shmangemi veseve të cilat na dëmtojnë deri në atë masë saqë i humbim vlerat njerëzore.
Kur bëhemi prindër, ne ua përcjellim përvojat dhe mësimet tona të jetës fëmijëve tanë. Megjithatë, është e rëndësishme të mbani mend se askush prej nesh nuk di gjithçka dhe se ndonjëherë mësimet më të mëdha vijnë mu nga më të vegjlit tanë.
Po ua sjellim disa nga mësimet jetësore që fëmijët na mësojnë çdo ditë:
Fëmijët janë kureshtar dhe gjithmonë bëjnë pyetje. Fëmijët duan të dinë pse diçka është pikërisht ashtu siç është. Kushdo që ka kaluar pak më shumë kohë me një fëmijë e di se sa pyetje mund të vijnë njëra pas tjetrës dhe sa të sinqerta dhe kurioze janë pyetje e tyre. Ky kuriozitet është thelbi i përparimit dhe formimit personal, por edhe shoqëror. Ne kemi ende shumë për të mësuar, për veten tonë, për botën, për universin. Në momentin që ndalojmë së bëri pyetje dhe të mësojmë, ky është momenti kur ndalojmë së rrituri. Ata nuk janë paragjykues
Fëmijët nuk i urrejnë të tjerët, sepse nuk e kanë të zhvilluar këtë cilësi e cila është tejet e dëmshme për individin dhe për shoqërinë. Fëmijët na mësojnë se sa e rëndësishme është toleranca dhe pranimi i tjetrit pavarësisht dallimeve, ajo që është e rëndësishme është të kuptuarit përmes gjuhës se respektit dhe mirësjelljes. Sepse kjo është mënyra e vetme që mund të ndërtojmë një shoqëri më të shëndetshme dhe një të ardhme më të lumtur. Ata nuk kanë frikë të bëjnë gabime.
Kur një fëmijë vrapon, përpiqet të ngasë biçikletë rrëzohet dhe nuk ia del me të parën, ai thjesht do të provojë përsëri. Herë nga inat, herë nga këmbëngulja, por nuk ndalet kurrë në gabimin e parë. Ne të gjithë duhet të mësojmë nga këmbëngulja e tyre. Dështimet janë vetëm pengesa mirëpo jo ndalesa drejt suksesit. Ata ëndërrojnë shumë.
Kur pyesni një fëmijë se çfarë dëshiron të bëhet kur të rritet, përgjigjet janë shpesh një astronaut, një mjek/e i/e sukseshëm/e, ose pilot/e i/e guximshëm/e. Me kalimin e viteve, këto ëndrra mund të zbehen si shkak i rrethanave dhe faktorëve të ndryshëm. Të kesh një ëndërr, sado e madhe të jetë, na jep energji dhe motiv për të arritur qëllimet tona. Është e rëndësishme që të kemi më shumë ëndrra sesa kujtime. Ata janë të sinqertë deri në palcë.
Fëmijët thonë atë që mendojnë. Nëse nuk kuptojnë diçka, pyesin. Nëse nuk u pëlqen diçka e thonë pa hezitim. Sigurisht, si të rritur, ne mësojmë të jemi më të vëmendshëm ndaj ndjenjave të të tjerëve. Por ne nuk duhet të humbasim sinqeritetin tonë. Një e vërtetë e thënë me respekt shpesh vlen shumë më tepër sesa një gënjeshtër e thënë për të shmangur përballjen me realitetin. Imagjinata e tyre nuk ka kufij Jepini fëmijës tuaj një copë letre dhe ata do të krijojnë një anije ose një pallat.
Krijimtaria e tyre nuk ka njeh kufij dhe bota është përplot mundësi. Si të rritur, ne shpesh e kufizojmë veten. Imagjinata shpesh na çon drejt ideve dhe zgjidhjeve më të mira. Fëmijët gjithmonë besojnë për një mundësi të re.
Fëmijët janë natyrisht optimistë. Ata nuk janë zhgënjyer ende aq shumë sa të dyshonin në gjithçka. Për ta, gota është gjysmë e mbushur. Çdo situatë e re është një mundësi e re. Le të mos lejojmë zhgënjimet e së kaluarës të na ndalojnë të besojmë në aftësit tona dhe në arritjen e rezultateve më të mira.
Autore: Valbona Krasniqi
Prinderimi.com | Reflektim prindëror
