Çfarëdo që të bëni, ju duhet të jeni zot i vetes lidhur me idetë dhe burimet të
cilat do t’i përdorni. (Sheehan)
Rëndësia e motivimit nuk mund të ekzagjerohet, dhe suksesi apo dështimi i terapisë do të varet nga angazhimi juaj për ta vazhduar deri në fund. Gjëja e parë që duhet ta bëni, është që ta pranoni se ju duhet të ndryshoni, dhe se ju vërtetë dëshironi të bëni diçka rreth mënyrës se si flisni tani. Kjo është e vështirë, por vendosmëria juaj duhet të jetë e plotë; madje as një pjesë e vogël e juaja nuk duhet të jetë e përmbajtur.
Mos jetoni me besimin e përjetshëm në magjinë që bllokimet e të folurit tuaj do të zhduken vetvetiu. Nuk ka ilaç magjik, as tabletë ngjyrë trëndafili që do ta shëroj belbëzimin. Mos pritni për kohën e duhur që t’ju vie inspirimi ju duhet ta gjeni inspirimin. Ju duhet të shihni se zgjidhjet e vjetra, gjërat që i keni bërë për ta ndihmuar veten kaq vite, thjesht nuk funksionojnë.
Vrraga hapet akoma, dhe juve mund t’ju duket e vështirë për të ndryshuar. Edhe pse mënyra se si flisni momentalisht nuk është në mënyrë të posaçme e këndshme, ajo është e familjarizuar me ju. Ne zbrapsemi prej të panjohurës. Nuk ka një mënyrë të shpejtë dhe të lehtë për të trajtuar belbëzimin, por me një qasje të drejtë, vetë terapia mund të jetë e efektshme.
Ju duhet të keni dëshirë që të përfundoni këtë shqetësim momental, ndoshta madje edhe vuajtje, dhe të keni një përmirësim afatgjatë që e dëshironi. Askush nuk po ju premton një kopsht me trëndafila. Pse nuk i kushtoni tani kohë dhe mund për një liri të përjetshme nga gjuha juaj e ngatërruar? Si mund ta bëni këtë?
Copëtoni problemin e përgjithshëm të belbëzimit në pjesë dhe zgjidhni ato një nga një. Askush nuk po thotë se kjo është lehtë. A të fillojmë?
(Emerick)
Një parakusht i dobishëm për një terapi të suksesshme është bindja e thellë e brendshme e personit që belbëzon në menaxhimin e çrregullimit të tij, e kombinuar me një shpirt luftarak dhe një gadishmëri për t’iu nënshtruar vuajtjeve dhe humbjeve nëse është e nevojshme – humbja e shpresës, pesimizmi dhe pasiviteti janë armiqët më të tmerrshëm të vetë-përmirësimit.
(Freund)
Autor: Malcolm Fraster, ”Vetë-terapia për belbëzim’‘
Përgatitur nga: Prinderimi.com
