Drejtoria e Arsimit e Komunës së Prishtinës ka reaguar përmes një publikimi zyrtar duke sqaruar rastin që shkaktoi debate dhe reagime të shumta në publik, ku u publikua një dokument/marrëveshje shkollë-prind që ju është dërguar të gjitha shkollave nga Drejtoria Komunale e Arsimit për rregulla, bashkëpunim e përgjegjësi. /prinderimi.com
Në dokument përfshiheshin kundërligjshëm emërtimet ”Prind 1” dhe ”Prind 2”.
Lexo poashtu: https://prinderimi.com/shkolla-elena-gjika-perdore-emertimet-prind-1-dhe-prind-2-pa-mbeshtetje-ligjore-reagojne-prinderit/
“Drejtoria e Arsimit njofton se pas shpërndarjes së paketës me dokumente të unifikuara për shkolla, ka pasur reagime në lidhje me dokumentin ‘Marrëveshja e shkollës me prindërit’.
Ky dokument është hartuar gjatë vitit 2023 nga grupet punuese të shkollave dhe është në përputhje me praktikat evropiane. Ai kërkon nënshkrimin e të dy prindërve dhe ka për qëllim të forcojë bashkëpunimin ndërmjet shkollës dhe prindërve për të siguruar angazhimin e plotë në edukimin e fëmijëve”, thuhet në sqarim.
Pas reagimeve të shumta, Drejtoria e Arsimit e Komunës së Prishtinës thotë se ka pasur keqkuptime.
“…Ka pasur keqkuptime, ku disa prindër e kanë ndërlidhur këtë marrëveshje me procese të tjera, të cilat nuk janë objekt i këtij dokumenti. Për DKA, është thelbësore që të dy prindërit të jenë të angazhuar dhe të kontribuojnë në mënyrë të barabartë në procesin arsimor”, thuhet tutje.
Prinderimi.com
