Ime bijë fle me gishtin në gojë. Si mund ta bëj të heqë dorë nga kjo?
Kam një vajzë tre vjeç e gjysmë. Që kur ka lindur e thith gishtin dhe luan me flokët. Sidomos kur fle kërkon me këmbëngulje ta thithë gishtin, përndryshe nuk e zë gjumi. Çfarë duhet të bëj?
Një fëmijë tre vjeç e gjysmë e thith gishtin nga zakoni.
Nëse vajza juaj është mësuar ta thithë gishtin që kur ka lindur, do të thotë se ky zakon i është kriju- ar gjatë dy viteve të para kur refleksi i thithjes është i fuqishëm. Kjo gjë është tregues jo i një problemi shpirtëror tek fëmija, por i një zakoni të fituar. Nëse do ta kishte filluar këtë zakon pas periudhës së thith- jes, atëherë do të mendonim se mund të ketë ndonjë problem emocional. Ju përpiquni t’i përgjigjeni me veten tuaj kësaj pyetjeje:
“A i keni dhënë gji mjaftueshëm fëmijës?”
Nëse i keni dhënë gji mjaftueshëm, domethënë për dy vjet, dhe nuk e ka thithur gishtin, atëherë do ta keni më të lehtë ta bëni të heqë dorë nga ky zakon. Por nëse nuk i keni dhënë gji për dy vjet, por ia keni ndërprerë më herët, atëherë mund ta keni pak të vështirë, pasi në këtë rast fëmijës i duket sikur e krijon lidhjen me nënën duke thithur gishtin. Duke qenë se gishtin e identifikon me ndjenjën e nënës, mund të hasni paksa në vështirësi për ta zgjidhur problemin. Sido që të jetë, mund t’i ofroni fëmijës një objekt tjetër për ta thithur në vend të gishtit. Ky mund të jetë një biberon, apo një copë e pastër, e vogël dhe pak e ëmbëlsuar. Gjatë kësaj kohe qëndroni sa më afër fëmijës. Kur fëmija të fillojë ta perceptojë më thellë ndjenjën e nënës prej jush, do t’i dobësohet ndjenja mëmësore që merr nga gishti dhe prandaj do ta ketë më të lehtë të heqë dorë nga thithja e gishtit.
Mënyra e dytë është që t’ia mbani duart vazhdi- misht të zëna. Jepini diçka, ndonjë lodër, në duar për t’u marrë me të ditën dhe natën. Pra përpiquni që fëmija ta harrojë zakonin. Situata që përshkruani nuk ka të bëjë me ndonjë shqetësim psikologjik, prandaj jini e qetë.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
