Im bir e ka shumë të vështirë t’i shqiptojë fjalët që fillojnë me zanore. Çfarë duhet të bëjmë?
Kemi një djalë tre vjeç e gjysmë. E patëm çuar tek mjeku ngaqë hante thonjtë. Kur po i merrnin gjak për t’i parë vitaminat, u tremb shumë dhe qau. Kur u kthyem në shtëpi nisi t’i merrej goja teksa fliste.
E ka shumë të vështirë dhe i merret goja kur përpiqet t’i shqiptojë fjalët që fillojnë me zanore. Më parë s’kemi pasur një problem të tillë. Çfarë duhet të bëjmë?
Po filloi, marrja e gojës zhvillohet me shpejtësi. Fëmijës suaj mund t’i ketë filluar një marrje go- je për shkak të frikës. E them këtë sepse thoni që fëmija juaj ha thonjtë dhe ngrënia e thonjve është re- zultat i trembjes. Nëse një fëmije ka filluar t’i merret goja për shkak të frikës, problemi duhet zgjidhur me ndihmën e një specialisti. Por, fëmija juaj nuk është në moshë që mund të marrë ndihmë nga specialisti, prandaj problemin duhet ta zgjidhni me përpjekjet tuaja. Jini të qetë, dëgjojeni fëmijën pa e shqetësuar. mos e shtrëngoni kur të emocionohet e t’i merret goja dhe mos u përpiqni t’ia rregulloni të folurin, por duhet të prisni që e folura t’i rregullohet ngadalë pas rreth një viti të kaluar me durim e qetësi.
Kjo periudhë është shumë e rëndësishme. Fëmija është i ndjeshëm dhe nëse e vini në pah çrregullimin e tij në të folur, problemi rritet. Nëse nuk rregullo- het deri në moshën pesë vjeç, ju sugjeroj të merrni ndihmë nga specialisti.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
