Që fëmijët të nisin shkollën fillore në mënyrë të shën- detshme, duhet të jenë të gatshëm mendërisht, fizikisht, emocionalisht dhe shoqërisht. Përvoja në çerdhe dhe kopsht e lehtëson procesin, kurse e kundërta, mosvajtja në institucionet parashkollore, e rëndon nisjen e këtij procesi edukativo-arsimor. Mosha gjashtë-vjeçare është faza më e përshtatshme për të nisur shkollën fillore. Pra, fëmija duhet të ketë mbushur 72 muaj. Mos e çoni në shkollë një fëmijë që nuk i ka mbushur akoma 72 muaj.
Për fëmijët shkolla është një vend i largët nga shtëpia, një vend i ri, kallaballëk, ku ka rregulla që duhen respek- tuar, ku ditët e para zgjasin shumë. Në një mjedis ku ka paqartësi të tilla, nëse mësuesi apo mësuesja kanë qëndrime negative, fëmija mund të shfaqë reaksione agresive për shkollën.
Ditët e para të shkollës përbëjnë një periudhë shumë e ndjeshme për çdo fëmijë. Në këtë aspekt, zgjedhja e shko- llës dhe e mësuesit/mësueses duhet të jetë në akord me per- sonalitetin dhe pritshmëritë e familjes dhe fëmijëve.
Disa këshilla drejtuar prindërve për një fillim të shëndoshë
Para se fëmija të nisë shkollën, jepini njohuri lidhur me të, si dhe përgjigje të sakta lidhur me çështjet me të cilat do të haset.
Para ditës së parë, gjeni kohë që ta shëtisni nëpër ambientet e shkollës; mundësojini të krijojë një ko- munikim me mësuesin/mësuesen. Nëse është e mundur, mund të kalojë një copë kohë me mësuesin/mësuesen. Kjo është shumë e rëndësishme, në mënyrë që fëmija të ndihet i sigurt.
Disa mësues/e, madje edhe disa ekspertë udhëzojnë që ta lëmë fëmijën, edhe nëse qan”. Mos e provoni këtë metodë, sepse mund të shkaktojë traumë te fëmija.
Nëse fëmija nis të qajë, dijeni se nuk ndihet i sigurt. Që të ndihet i sigurt, qëndrojini pranë ose afër, mun- dohuni që ta qetësoni. Kur të jetë qetësuar, i thoni ato gjëra që ju vijnë ndërmend. Mund të burojnë gjëra që s’i keni parashikuar. Në nënvetëdije mund ketë frikëra që s’i kontrollon dot.
Nëse fëmija është i shqetësuar qysh në mëngjes në ditët në vijim, dhe nëse qan ngaqë nuk do të shkojë në shkollë, mos ngulmoni, por takoni një ekspert dhe këshillohuni. Kjo sepse te fëmija mund të shfa- qet “ankthi i ndarjes”.
Kontrolloni ndjenjat tuaja si prind. Në rastet kur jeni tepër të shqetësuar dhe në stres, dhe nuk keni një strategji se si duhet vepruar, fëmija do të reagojë më keq se ju.
Përshtatja e fëmijëve në kushte normale zgjat nga 3 deri në 21 ditë. Për këtë arsye duhet të keni durim.
Mos jepni mesazhe negative dhe të turbullta lidhur me shkollën apo mësuesin/mësuesen. Bëjeni fëmijën që të ndiejë mirëbesimin tuaj lidhe me ta.
Ditën e parë mundohuni të jeni të qetë. Nëse fëmija vë re se jeni të shqetësuar, nis të mendojë se ka të drejtë për frikërat që provon, dhe për pasojë nis të përjetojë vështirësi në adaptim. Mos harroni se brenga është infektuese.
Nëse mendoni se e keni përgatitur mirë fëmijën, mos qëndroni gjatë para derës së shkollës. Ai do të ndihet mirë kur ju të largoheni që andej.
Përshëndetja ndarëse me fëmijën duhet të jetë e shkurtër dhe të mos ndryshojë.
Nëse shkoni ta merrni pas mësimit, mundohuni që të jeni korrekt me kohën.
Kur të kthehet nga shkolla, nëse ai/ajo do, bisedoni se si ia ka kaluar në shkollë. Mos i ushtroni presion që të rrëfehet, jini të durueshëm, jepini mundësinë që të rrëfehet kur të dojë.
Kërkimet tregojnë se 8 ndër 10 fëmijë janë në siklet ditën e parë të shkollës. Kjo nuk do të thotë se edhe prindërit duhet të provojnë të njëjtën gjë.
Mos harroni se periudha e përshtatjes së atyre fëmi- jëve që nuk janë shkëputur nga nëna dhe që vijnë nga familje mbrojtëse mund të zgjasë më shumë, ndaj dhe lind nevoja për motivim.
Nëse periudha e përshtatjes së fëmijës zgjat më tepër ose nëse shfaq reagime të fuqishme, kërkoni ndihmë nga ekspertët e fushës.
Prindërimi nuk nënkupton vetëm mbrojtjen e fëmijës, por edhe përgatitjen për jetën reale, ndihmën për t’u rritur në mënyrë të shëndetshme, fuqizimin e tij/saj.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
