Ndërsa nuk ka një model të vetme në të cilin prindërit neglizhues mund të përshtaten, ka lloje të caktuar prindërish që mund të jenë neglizhues. Është e rëndësishme të theksohet se disa prindër mund të përmirësojnë stilin e tyre të prindërimit me kalimin e kohës dhe të mësojnë nga të metat e fëmijërisë së tyre.
Prindërit e neglizhuar
Nëse jeni një prind që ka kaluar neglizhencë emocionale në fëmijërinë tuaj, atëherë gjasat që të jeni neglizhues janë më të larta. Ju mund të mbani shumë nga strategjitë e prindërimit që nga fëmijëria juaj, të cilat mund të jenë të dëmshme për fëmijët tuaj.
Neglizhenca emocionale në fëmijëri mund të jetë baza e një marrëdhënieje të dëmtuar, e cila do të duhet të riparohet me kalimin e kohës. Nëse jeni të vetëdijshëm për shenjat e neglizhencës emocionale te një fëmijë, atëherë mund të veproni shpejt dhe të ndryshoni trendin.
Prindërit autoritarë
Nëse jeni një prind autoritar, atëherë keni një kod të rreptë disipline brenda familjes. Ju keni një orar specifik për fëmijët tuaj, me qëllime ditore dhe një standard sjelljeje brenda shtëpisë që nuk mund të kundërshtohet.
Aspekti negativ i kësaj dinamike është se fëmija juaj mund të ndihet i neglizhuar nëse vazhdimisht i thuhet t’i lë anash emocionet e tij. Nëse nuk jeni në gjendje të kaloni kohë cilësore me fëmijët tuaj dhe të flisni me ta për ndjenjat e tyre, atëherë autoritarizmi mund të mos jetë qasja e duhur, pasi mund të çojë në neglizhencë emocionale afatgjatë.
Prindërit jo prezent
Prindërit që janë emocionalisht ose fizikisht të padisponueshëm për fëmijët e tyre mund të shkaktojnë neglizhencë të fëmijërisë me kalimin e kohës. Ata mund të humbin shembujt kritikë të neglizhencës emocionale në modelet e sjelljes së fëmijëve të tyre.
Nëse jeni një prind që mungon, atëherë mënyra më e mirë për të zhvendosur fokusin tuaj është t’i jepni përparësi kohës që kaloni me fëmijët tuaj. Gjithashtu, nëse i kuptoni nga afër shenjat e neglizhencës emocionale tek një fëmijë, atëherë mund të ndryshoni këndvështrimin tuaj dhe të ndryshoni stilin tuaj të prindërimit.
Për më shumë artikuj në lidhje me këtë temë, lexo poashtu: https://prinderimi.com/4-menyra-per-ta-ndihmuar-femijen-tuaj-te-sherohet-dhe-te-tejkaloje-neglizhencen-emocionale/
Autor: Ursula Cruz
Përkthyer nga: Arianë Limani, Prinderimi.com
