4 arsye pse mendësia e zhvillimit është e rëndësishme për fëmijët
Me një mendësi të zhvillimit, fëmijët e marrin vesh se inteligjenca nuk është e palëvizshme. Ata e kuptojnë se mund të bëhen më të aftë dhe të përmirësojnë shkathtësitë e tyre me mund dhe praktikë. Këtu i keni vetëm disa arsye pse fëmijët duhen ta kenë një mendësi të tillë.
- Motivim i shtuar
Një mendësi e zhvillimit te fëmijët shpie në motivim të shtuar. Kjo ngase fëmijët e kuptojnë se ata mund të përmirësojnë aftësitë dhe shkathtësitë e tyre me mund. Ata nuk zbrapsen lehtë dhe pengesat i shohin si sfida për t’u kapërcyer.
- Qëndrueshmëri e përmirësuar
Fëmijët me këtë mendësi janë më të qëndrueshëm para pengesave. Ata nuk i shohin dështimet si reflektim i vlerës së tyre si person por përkundrazi si një mundësi për të mësuar e për t’u zhvilluar. Kjo i ndihmon ata të rezistojnë para sfidave dhe t’i konsiderojnë pengesat si pjesë e natyrshme e jetës.
- Kënaqësi më e madhe gjatë mësimit
Fëmijët e pajisur me këtë mendësi e shohin mësimin si mundësi për t’u zhvilluar dhe përmirësuar sesa diçka që kufizohet në vetëm marrje të notave të mira. Kjo do të thotë se ata janë më të prirë të kënaqen me mësim për hir të mësimit e kjo sigurisht shpie në motivim më të madh dhe pjesëmarrje aktive në klasë.
- Nivele më të larta të arritjeve
Duke qenë më të qëndrueshëm e më të motivuar, fëmijët kanë më shumë gjasë të arrijnë nivele të larta. Studimet kanë shfaqur se ndikimi i mendësisë të zhvillimit shpie në nota të përmirësuara dhe arritje të larta të pikëve në teste, si dhe angazhim më të madh në mësim.
Le të zhytemi në vetëdijën për mendësinë e zhvillimit
Vetëdija është një vegël e çmuar që ndihmon në kultivimin e një mendësie të zhvillimit. Kur ju jeni të vetëdijshëm, ju i vëzhgoni mendimet dhe ndjenjat e juaja pa gjykime. Kjo ju mundëson t’i shihni gabimet e juaja si mundësi mësimi dhe t’iu qaseni sfidave me kërshëri dhe çiltërësi.
Ne e kemi përmendur se nga mënyrat e kultivimit të mendësisë së zhvillimit te fëmija juaj është duke e udhëzuar mënyrën e tyre të të menduarit. Metodë tjetër është duke ndërfutur aktivitete në rutinën e tyre ditore me qëllim që t’ua ndërrojmë perspektivat, të mishërojmë rezistencën dhe të ndezim në vetët e tyre pasionin për mësim dhe zhvillim. Le t’ua hedhim një sy!
Burimi: Splashlearn
Solli në shqip: Prinderimi.com
