4 aktivitetet më të mira për mendësinë e zhvillimit për fëmijët
Një mendësi e zhvillimit nuk është veç një besim; është një udhëtim i transformimit. Nëse ju besoni se zhvillimi është progresiv dhe i mundshëm, ju duhet të punoni për çdo ditë në këtë drejtim ashtu që ndryshimi të vihet në pah. Tutje janë ca aktivitete që krijojnë një mendësi të zhvillimit te fëmijët:
- Kursi i pengesës
Krijo një kurs me pengesa fizike. Derisa fëmijët navigojnë sfidat, shih si ata iu qasen secilës pengesë dhe ç’strategji kanë përdorur për tejkalim të tyre.
- Dështimet e famshme
Eksploro tregime të njerëzve të suksesshëm të cilët u përballën me dështime para se të arritnin suksesin. Diskuto çka mësuan ata nga dështimet e tyre. Kur fëmijët të kuptojnë se suksesi paraprihet nga tentativa të dështuara, ata nuk do të bllokohen nga dështimet por do të përpiqen të punojnë në gabimet të cilat i penguan në arritjen e suksesit.
- Mbajtja e një ditari
Inkurajo reflektim të rregullt përmes mbajtjes së ditarit. Pjesëmarrësit mund të shkruajnë për sfidat, pengesat dhe si ata planifikojnë t’iu qasen atyre me një mendësi të zhvillimit. Ditari do t’iu mundësojë të bëhen kërkues të zgjidhjeve dhe, njëkohësisht i mëson ata si të skicojnë një plan hap-pas-hapi për sukses.
- Bisedë pozitive me veten
Mësoni fëmijët të zëvendësojnë bisedat negative me veten me pozitivitet dhe inkurajim. Më e udhës për fëmijën është të thotë: “ende po mësoj si të vozis; çdo herë po bëj më pak gabime.” sesa të thotë: “sa i ngathtë jam në vozitje; kurrë s’do të mund t’ia dal mbanë!”
Në shembullin negativ, individi ashpër po e kritikon veten dhe po bën një gjykim të përgjitshëm negativ duke u bazuar në një gabim. Ky lloj i bisedës me veten mund të shpjerë në ndjenja të pafuqisë dhe të vetëbesimit të ulët. Në shembullin pozitiv, individi pranon pengesën por e formëson atë si një mundësi për zhvillim. Kjo promovon qëndrueshmëri dhe vetëbesim.
Pas diskutimit për aktivitetet e trajnimit të fëmijës për të menduar në mënyrë progresive, le të shohim si duhet të duket orari ditor i një fëmije në mënyrë që të diciplinohet mendja e tij që në vazhdimësi të punojë në drejtim të zhvillimit.
Burimi: Splashlearn
Solli në shqip: Prinderimi.com
