Neglizhenca emocionale në fëmijëri është një dëmtim kritik zhvillimor, pasi i tregon fëmijëve se zërat dhe ndjenjat e tyre janë të pavlefshme. Fëmijët shpesh mund t’u afrohen prindërve për të ndarë histori ose të shprehen, vetëm për t’u ndjerë të injoruar ose të quhen shumë emocionalë. Neglizhenca mund të jetë edhe e paqëllimshme nëse prindërit fokusohen në një model prindëror arkaik ose janë shumë të zënë në jetën e tyre.
Neglizhenca emocionale në fëmijëri dhe efektet e saj
Nga një këndvështrimi i psikologjisë zhvillimore, neglizhenca emocionale në fëmijëri – ose NEF – rezulton nga mungesa kronike e prindërve në jetën e një fëmije. Fëmijët mund të përjetojnë braktisje, shqetësim dhe indiferencë për shkak të mungesës së pranisë së prindërve në mënyrë aktive në jetën e tyre.
Shpesh, prindërit janë të stresuar gjatë viteve të para të zhvillimit të fëmijës, gjë që mund t’i bëjë ata të shkëputen nga nevojat komplekse emocionale të fëmijës së tyre. Kjo mund të çojë në një mungesë pothuajse totale të mbështetjes emocionale, së bashku me mungesën e kuptimit të shpërthimeve emocionale të një fëmije.
Efektet e neglizhencës emocionale afatgjatë mund të shfaqen në disa mënyra, prandaj është e rëndësishme të jeni të kujdesshëm ne stilin tuaj të prindërimit. Fëmijët mund të ndihen bosh emocionalisht, të shkëputur dhe të painteresuar me kalimin e kohës, gjë që mund të ndikojë ndjeshëm në jetën e tyre si të rritur. Rrugët kritike të zhvillimit në tru që mbështeten në rehatinë emocionale mund të ndikohen gjithashtu.
15 shenjat e neglizhencës emocionale në fëmijëri
Të kuptuarit e këtyre 15 shenjave të neglizhencës emocionale është kritike për t’u bërë një prind më i mirë që është më i hapur dhe i vetëdijshëm për nevojat e fëmijëve të tyre.
1. Mbizotërohen lehtësisht në situata
Fëmijët kanë një sens të natyrshëm të eksplorimit të mjedisit rreth tyre. Kur fëmijët neglizhohen për periudha të gjata, ata mund të ndihen lehtësisht të mbizotëruar(kapshëm) në situata të ndryshme. Vendet që janë të huaja për ta mund t’u japin atyre ndjenja ankthi dhe paqëndrueshmërie, e cila është indikatori kryesor i nevojës për rehati.
2. Shpërthime të zemërimit dhe frustrimit
Fëmiu juaj mund të shpreh zemërim dhe frustrim për gjëra të zakonshme nëse ata janë neglizhuar gjatë një periudhe. Gjithashtu, ata mund të nxiten emocionalisht nëse gjërat nuk shkojnë sipas mënyrës së tyre. Kjo mund të jetë një shenjë e neglizhencës emocionale që shfaqet në shpërthime emocionale.
3. Paaftësia për vetë-disiplinë
Neglizhenca emocionale gjatë fëmijërisë mund të çojë në mungesë të vetëdisiplinës ose motivimit për të bërë gjëra. Nëse e vëreni se fëmijët tuaj janë duke u shkëputur nga rutina e tyre ditore, detyrat e shtëpisë, detyrat e klasës, atëherë është e rëndësishme që ta identifikoni sa më shpejt këtë shenjë. Gjithashtu, ju mund të vetëvlerësoni se sa kohë kaloni me fëmijët tuaj dhe të flisni me ta për emocionet e tyre.
4. Vështirësi për t’u besuar njerëzve të rinj
Një shembull klasik i neglizhencës në fëmijëri është vështirësia për t’u besuar njerëzve. Nëse vini re që fëmijët tuaj marrin shumë kohë për të besuar të tjerët, atëherë ata mund të kenë një sfidë të rrënjosur thellë me hapjen. Ju mund të flisni me fëmijët tuaj për ndjenjat e tyre në mënyrë që ata të jenë më prirëse për të besuar njerëzit e rinj në jetën e tyre.
5. Shfaqje fizike e dhimbjes emocionale
Nëse fëmija juaj vazhdimisht përjeton dhimbje, ethe, nyje në stomak dhe sëmundje të tjera, atëherë mund të ketë një arsye të shtyrë emocionalisht pas saj. Këto simptoma mund të jenë më evidente në skenarë specifik, si vizita e nje të afërmi, pjesëmarrja në shkollë, takime me miqtë, etj. Është e rëndësishme të ndiqni shfaqjet fizike, pasi ato mund të ndikojnë negativisht në zhvillimin e fëmijës suaj.
6. Shkëputje nga dashuria
Periudha të gjata të neglizhencës mund të çojë në një shkëputje ose neveri ndaj lidhjeve emocionale. Nëse vini re që fëmijët tuaj ndihen të parahatshëm kur i përqafoni ose kur i lavdëroni, atëherë në mendjen e tyre mund të ketë një sens neglizhimi. Nëse vëreni se ata po shkëputen emocionalisht nga ju, është e rëndësishme ta adresoni këtë menjëherë.
7. Vetëvlerësim i ulët
Fëmijët që kanë përjetuar neglizhencë emocionale pëe një kohë të gjatë mund të kenë vetëvlerësim të ulët, e që mund të ndikojë gjithashtu në aftësinë e tyre për të ndjerë kënaqësi në jetën e përditshme. Ata mund të kenë vështirësi të marrin pjesë në klasë, të vendosin kufijë dhe të jenë më të hapur me fëmijët e tjerë. Vetëvlerësimi i ulët mund të ndikojë gjithashtu në ndjenjën e tyre të habisë dhe t’i bëjë ata më të përmbajtur në situata sociale.
8. Frikë nga refuzimi
Ndërsa të gjithë kemi një frikë të brendshme nga izolimi dhe refuzimi, fëmijët që janë neglizhuar mund të ndiejnë atë në një intensitet më të lartë. Kjo frikë mund të ndikojë në perspektivën e tyre të jetës dhe në përfitimin e mundësive. Fëmijët tuaj mund të ndihen jo të sigurt kur janë të lënë vetëm dhe të përjetojnë periudha të qajtjes kur fillojnë shkollën.
9. Performancë e dobët në shkollë
Fëmijët që kanë përjetuar neglizhencë emocionale gjatë një kohe mund të kenë vështirësi të fokusohen dhe të jenë të vëmendshëm në shkollë. Është e rëndësishme që të identifikohet sa më shpejt kjo shenjë dhe të kuptoni nëse mungesa juaj është duke ndikuar në cilësinë e jetës së tyre në shkollë. Gjithashtu ju mund të flisni me mësuesit e tyre për të kuptuar si sillen ata në klasë.
10. Vështirësi të të shprehurit të vetes
Format e ndryshme të shprehjes si bisedimi, këndimi, vizatimi, dhe kërcimi mund të jenë më të vështira për fëmijët që kanë përjetuar neglizhencë. Të shprehurit e vetes mund të jetë një sfidë kyçe deri në pikën e lodhjes emocionale për disa fëmijë.
11. Të folurit me një ton të ftohtë
Kjo është një shenjë e qartë mosbesimi që duhet identifikuar shpejt. Fëmijët shpesh flasin ftohtë nëse mendojnë se mendimet dhe ndjenjat e tyre nuk kanë rëndësi për prindërit e tyre. Fëmija juaj mund të zgjedhë të flasë ftohtë gjatë të gjitha bisedave, në këtë pikë është edhe më sfiduese të zhvilloni lidhje emocionale.
12. Vonesat në zhvillim
Nëse fëmija juaj është i vonuar në zhvillim për sa i përket performancës në shkollë, aftësive motorike bazë dhe aftësive për zgjidhjen e problemeve, atëherë ai mund të ketë nevojë për një stil tjetër prindërimi. Ju mund të fokusoheni në fuqizimin e fëmijës tuaj nëpërmjet sistemit të duhur të mbështetjes emocionale dhe të jeni më prezent në jetën e tyre.
13. Sjelljet përçarëse
Fëmijët që përjetojnë neglizhencë emocionale afatgjatë të fëmijërisë mund të fillojnë të shkaktojnë përçarje në jetën e përditshme si një mjet shprehjeje. Ata mund të shkaktojnë zënka, të shkatërrojnë vende dhe të krijojnë kaos në situata të qeta. Ju mund t’i flisni fëmijës tuaj për ndjenjat e tij për ta ndihmuar kur është i shqetësuar.
14. Faji kronik
Fëmija juaj mund të ndihet fajtor gjatë gjithë kohës dhe nga jashtë të shfaqë shenja faji të thellë. Kur përballen, ata mund të zemërohen dhe të shpërthejnë edhe kur janë më të rritur. Ju mund ta identifikoni këtë shenjë kritike dhe t’i bindni ata se jeni emocionalisht të disponueshëm për ta.
15. Paaftësia për të përjetuar ndjeshmëri
Një shenjë serioze e neglizhencës emocionale është mungesa e empatisë. Nëse fëmija juaj nuk shfaq ndjeshmëri ndaj të tjerëve që përjetojnë dhimbje, qoftë ndaj njerëzve apo kafshëve, atëherë duhet të ndërhyni. Kjo mund të jetë një shenjë kritike e neglizhencës emocionale, e cila mund të shfaqet në formën e mungesës së ndjeshmërisë.
Për më shumë artikuj në lidhje me këtë temë, lexo poashtu: https://prinderimi.com/te-kuptuarit-e-prinderve-qe-priren-te-neglizhojne-emocionalisht-femijet/
Autor: Ursula Cruz shkruan për temën e integrimit të teknologjisë në klasa dhe kryqëzimin e arsimit dhe zhvillimit të fëmijëve. Në kohën e saj të lirë, asaj i pëlqen të bëjë ngjitje me qenin e saj, Lucy-n.
Përkthyer nga: Arianë Limani, Prinderimi.com
