10 Strategjitë efektive të leximit për të përmirësuar aftësitë njohëse të nxënësve tuaj
- Lexoni me shprehje
Strategjiia e parë që duhet zbatuar është t’i mësoni studentët tuaj të përdorin zërin e tyre kur lexojnë. Nëse ata janë duke lexuar një fjali me pikëçuditëse në fund duhet ta lexojnë me zë të emocionuar. Nëse po lexojnë një fjali me pikëpyetje në fund atëherë duhet ta lexojnë me ton pyetës. Kjo kërkon shumë pak udhëzime dhe praktikë, por i ndihmon studentët tuaj të kuptojnë më mirë se çfarë po lexojnë duke u përfshirë më tepër në tekst. Kjo i ndihmon ata në mënyrë drastike të përmirësojnë aftësitë e tyre të të kuptuarit dhe ndihmon ata të flasin rrjedhshëm.
- Vendosni një qëllim për strategjitë e leximit
Vendosja e një qëllimi për të lexuarit është një strategji efektive për të mësuar shprehinë e të lexuarit. Kur studentëve u caktohet një roman ose tregim i shkurtër për të lexuar, kërkojini ata të shkruajnë qëllimin e tyre paraprakisht. Pra, kërkoni të vendosin një qëllim pse po lexojnë një tekst të caktuar.
- Skema
Një nga strategjitë më efektive për t’ia mësuar të lexuarit quhet skema. Kjo strategji nxit studentët të krijojnë skema me atë informacion që ata e kanë tashmë me konceptet e reja që po mësojnë të prezantuara në tekstin që po lexojnë. Kur krijojnë një lidhje mes atyre që tashmë i dinë dhe ato që kanë ditur më herët ata i kuptojnë me lehtë dhe i mbajnë mend më gjatë mësimet.
- Mësojmë studentët të lexojnë një tekst
Kjo është shumë e rëndësishme sepse i ndihmon ata të zhvillojnë aftësitë e të lexuarit dhe të shkruarit dhe të lexojnë më mirë kur të jenë rritur. Gjithashtu ndihmon ata të shqiptojnë fjalët saktësisht, gjë që do t’i ndihmojë ata në shkollë dhe në teste në të ardhmen.
- Bëjeni të lexuarit argëtues
Një nga strategjitë më të rëndësishme është ta bëni leximin argëtues. Ju mund ta bëni këtë duke luajtur lojëra, duke bërë vepra artizanale dhe duke i përfshirë fëmijët në aktivitete të tjera që përfshijnë leximin. Kjo është veçanërisht e dobishme nëse keni një fëmijë më të madh që ka probleme me leximin. Ata do të kenë më shumë gjasa të marrin pjesë në aktivitete që përfshijnë lexim kur edhe argëtohen në të njëjtën kohë.
Burimi: Splashlearn
Përktheu: Albulena Limani, Prinderimi.com
